Mayor Evangelista Full Speech Below:


Maayong Buntag Tomasinos.

Una sa tanan, magpasalamat kita sa gihatag nga maayong panahon sa ginoo.

Pasalamat usab ako sa atong Presidente Rodrigo Roa Duterte, nga bisan pa sa mobung panahon nga pagpadagan sa atong request nga ideclare karong adlawa August 14, 2020 as Special Non-working Holiday isip Selebrasyon sa ika 61st Araw Ng Santo Tomas, iyaha kitang gitubag jud dayon sulod sa is aka adlaw.

Sa milabay nga tuig 2019 dili matukib ang akong kalipay nga sa wala damha ako mamahimong Mayor niining atong lungsod.

Kinsa bay magdahum nga si Erning Evangelista maoy modaug? Tungod kay matod nila, tigulang na ug sa ilang panan-aw unsa pa may mahimo sa usa ka tigulang kung itandi anang mga bata bata pa.

Una, mangayo ko ug dakong pasalamat sa inyong pagsalig nga ako inyong napili isip inyong mayor niining atong lungsod. Daghan, daghan ug Daghan kaayong Salamat sa inyong tanan.

Sa akong paglingkod isip Mayor, daghan kaayo ko ug nakita nga mga HAGIT sa akong lederato.

Una, Pinakadako niini ang mga nagkadaiya nga mga findings sa COA gikan 2010 hantod 2018.

Angay lamang nga mahimo nato ning panukaran kay aron makabalo ta sa saktong direction sa atong administrasyon.

UNSA BA ANG GOBYERNO nga NASALO NI ERNING EVANGELISTA? UNSA BA KADAKO NGA SAKRIPISYO ANG ANGAY NATONG BUHATON ARONG MAHATAG ANG SAKTONG SERBISYO UG panggobyernong layo sa korapsyon.

Karong higayuna, first time nako nga ilatag tanan, unsa diay ang tinood natong kahimtang nganong kinahanglan man jud nga doblehon, triplihon ug daghanon ang paningkamot aron mahan-ay ang nagkadaiyang anomaliya diri sa atoang local nga panggamhanan.

Giuna nato ug pakusog ang KaMPANYA KONTRA KORAPSYON. Nag internal cleansing ta.  Kini tungod kay lalom na kaayo ang ugat sa naandang malpractices…. Corrupt practices. Daghang kuwarta sa publiko ang nasayang ug nagamit nga walay saktong pagsunod sa balaod.

Niadtong July 2019, NAGHIMO DAYON kita ug TASK Force AKSYON ANG SOLUSYON nga maoy mihinay hinay ug hubad sa mga observations nga nakita sa COA sa dugay nga panahon nga wala naaksyunan sa local nga lideres.

Tood man, sulod sa unom ka bulan sukad nahimo ang taskforce, nalipay ta nga natubag na dayon ang 22 sa 32 nga gibiling observations sulod sa napulo katuig. Ang nahabilin nga 10 nagpabiling partially implemented tungod sa subayonong mga proseso nga napasagdan sa dugay nga panahon.

Nagpatuman usab kita ug reshuffling sa mga Department Heads  ug Section heads. Kini aron mapakgang ang dili saktong naandan dinhi sa municipyo, ug arong makita ang katakos ug potential sa nagkadaiyang personahe nga akong mamahimong katimbang sa pagpadagan sa atong lokal nga pang gamhanan.

Kung namatikdan ninyo, gihangyo ko ang akong anak nga mobalik diri sa Santo Tomas tungod kay isip usa ka abogada, ug sa iyang bayte anyos katuig nga kasinatian sa local nga panggamhanan sa Davao City, ubos sa lederato sa atong presidente Rodrigo Roa Duterte ug Davao City Mayor Sara Duterte, akong nakita nga mas mahimong epektibo ang amoang tandem sa pagpakgang sa korapsyon.

SA kabaga ug kalalom sa corrupt practices sa sulod ug gawas sa municipyo, wala koy lain Makita nga masaligan aron moatbang sa akoang mga paningkamot aron lamang mapakgang ug mahan-ay ang nagkadaiyang problema nga nangugat na sa atoang lungsod.

Good Governance – mao na ang atoang kampanya aron matul-id nato ang mga hiwing pamaagi ug ma implementar ang saktong serbisyo alang sa katawhan.

Ang Good Governance maoy mahimong behekolo nato aron mapakgang na gyud ang problema sa Druga, Kriminalidad, hulga sa insurhensiya ug uban pa.

Isa sa atong ginaduso karon mao ang re-engineering sa Organizational Structure sa local nga panggamhanan. Ang legislation na lang ang atoang gihulat niini dha sa konseho. Ang proposal mohaom sa atong kasamtangang kahimtang aron mapalambo nato ang de kalidad nga serbisyo publiko  and at the same time mahatagan ug saktong position atoang mga qualified ug deserving nga mga empleyado ug mahatag sa ilaha ang mga benepisyong angay sa ila.

 Treasury

Ang Buhis mao ang kinabuhi sa atong gobyerno nga diin mao kini ang mosustenar sa mga serbisyo nga angay unta mahatag ngadto sa atong katawhan.

Busa, sakto lamang nga pagasiguraduhon nga sa publiko maadto ang mga bahandi nga nalikom ug dili sa kaugalingong interes sa pipila ka tao.

Sa akong paglingkod isip mayor, gitinguha ko ang limpyo ug sakto nga panggobyerno. Tungod niana, naningkamot ta nga hinloon ang opisina nga maoy dapat naga amping sa panudlanan sa atong lungsod.

Ang Opisina sa Municipal Treasurer mao ang nagapangolekta sa tanang matang nga buhis nga dapat masulod sa Lokal nga panudlanan. Tanang matang sa inyong bayronong buhis, dapat sa Municipal Treasurer’s Office  mabayad, maparesibuan aron maremit ug madeposito.

Apan, sumala pa sa COA Audit Observations, diri sa lungsod sa Santo Tomas, ang koleksyon sa buwis wala gina deposito adlaw adlaw didto sa banko ug uban niini nagamit nga walay saktong papeles ug adunay mga kantidad nga nagamit sa personal na interest.

Ang audit observation nga akong ginahisgutan, sukad pa 2010 hantod nilingkod ta niadtong July 2019. Ambot, ug unsay nahitabo, nganong natali ang lungsod sa ing ani nga Sistema sa dugay panahon.

Mao kini ang isa sa dakong hagit sa pagsulod sa akong administrasyon. Busa naghimo kita ug reform diha sa Municipal Treasurer’s Office. Ang kinahanglan kambyuhan, atong gikambyuhan, ang angay mahawa sa sistemang hiwi- atong gihawa.

Nagpatuman kita ug internal audit system ngadto sa tanang opisina aron ang tanang matang sa hiwing naandan atuang matul id.

Sa karon, mapasigarbuhon ako nga musulti kaninyo nga sugud sa akong paglingkod isip inyong mayor, nawala ang tradition sa korapsyon diha sa pagpangulekta ug buhis sa maong opisina. Pasensiya mo ug ing-ani kaprangka ang akoang report. Dili pwede nga magpabilin tang buta bungol sa atoang kahimtang.

Napatuman na gayud ang daily remittance ug daily deposits. Pasabot niini dili na magdugay ang collection sa kamot sa atong mga tax collectors ug treasurer,  ug sigurado na nga ang matag adlaw nga collection ma account  ug masulod sa atong pampublikong panudlanan matag adlaw.

Nalipay ta, nga sa atong kabag-ohang napatuman, wala damha nga number 1 kita sa collection efficiency sa tibuok probinsiya sa Davao del Norte kung Real Property Tax ang pagahisgutan.

Salamat sa atong bag-ong Officer in Charge sa Treasurer’s Office Ligin Pono ug sa tanang staff sa Municipal Treasurer’s Office sa inyong kakugi ug kooperasyon.

 Property Inventory

 Adto kita sa matang sa atong property and supply inventory sa municipyo. Kini nailalom gihapon sa Municipal Treasurer’s Office.

Makagool lang pagahuna hunaon, nga sa dugay nga panahon ug sa kadako nato nga lungsod, walay tarong nga imbentaryo sa propridad sa atoang local nga panggamhanan niadtong na turn-over sa atoa ang municipyo tuig 2019.

Aduna kitay bodega nga nagkagubot ang agi ug walay saktong record sa musolod ug mogawas nga mga government supplies. Daghang bakal nga wala na account, daghang pintura nga ang uban kaugahon na, naa pay lansang ug sin ug bakal nga nagkataya lang ug ubang supplies nga nagjumble diha sa bodega sa municipyo. Ang imbentaryo gimata mata ra maong ang mga naghinulamay ug mga supplies gikan semento hantod bakal walay saktong proseso ug recording.

Sa pagkakaron, ato ng namugna ang Sistema sa pagsulod ug gawas sa mga supplies and properties dinhi sa municipyo ug ang tanang proseso ug papeles sa mga public properties atoang gipahan-ay.

Aduna nay accountant nga maoy nagamonitor sa supply inventory nato ug aduna nay saktong numero sa personahe nga nag atiman sa kada transaction ug kada gamit diri sa atoang municipyo.

NA-Establish na ang atoang Municipal Property and Supply Office nga gipangunahan ni Roderick Nasol.

Business Permit and Licensing Section

Ang Santo Tomas inila nga isa ka first class municipality. Pero wala ko damha nga sa kadako sa atoang lungsod, duha ra kabook tao ang gibutang sa business permit and licensing section.

Ang kapait, gimata mata ra ang implementasyon sa 2012 revenue code sa Santo Tomas.

Daghang assessment sa mga negosyo nga wala nahaom didto sa atong balaud. Daghan nabag uhan nga atoang gisubay ang balaod.

Unsa kaimportante nga naay saktong kaalamug personahe ang BPLS?

Pagsugod sa akoang administrasyon, daghang nightclubs ang nag operate, daghang commercial sex workers ug entertainers ang lungsod- naay taga atoa, naay fly by night, naay lumad, naa pay minors, silang tanan gipasagdan maglatagaw sa patay sindi nga balay. Hinungdan naa tay recorded cases sa herpes ug aids.

Trabaho na sa BPLS ang moregulate aron dili magsanga sanga ang problema.

Sa ubang negosyo, Daghan kawat sa saging, pole vaulting, daghan exporters walay permit, daghan negosyo walay permit, BPLS ang moregulate ana, nganong kinahanglan? Aron maproksyunan ang orinaryong konsumante ug empleyado gikan sa pinaka ultimo nga Tomasino hantod sa pinaka adunahan.

Negosyo sa kaon, ayaw mo kasuko sa akoa kung iregulate mo pinaagi sa BPLS. Importante nga maregulate mo kay apil ang issue sa health and sanitation ana.

Limpyo ba ang ginapakaon sa tao. Dili ba delikado sa sunog inyong tindahan, sakto ba ang gibayad nga buwis. Tama ba nga himoon ninyong parkinganan ang kalsada.

Dili na pwede nga ingnon rako ninyo nga supporter ta mo ug dako man ug batal sa imong tindahan ang duha ka mayor nga akong nasundan maong dili mo mokuha ug business permit.

Kung ing ana pirmi atong sitwasyon, kamo mismo maoy magtukmod sa atoa ngadto sa corrupt nga pang gamhanan. Kung mali, tan awa sya nga mali.

Ayaw ko paludha sa mali nga Sistema kay obligasyon nako ang moserbisyo sa inyuha nga limpyo sa tanang matang sa korapsyon.

Obligasyon sad nako nga patas ipatuman ang balaod. Sa upat ka notices sulod sa upat ka bulan nga inyong gibalewala, dili sad siguro makatarunganon nga wala jud moy buhaton nga pagtuman sa balaod.  

Atoang BPLS aduna nay 10 ka empleyado. Nagaconduct na ta ug inspeksyon ug atoa nang ginapasubay ang 2012 revenue code sa municipyo aron dili sobra o kulang ang tax computation ug dili na kunuhay mo maghagle haggle sa taga municipyo sa inyong bayaron.

Successful ang Implementation sa Business One Stop Shop con BOSS kadtong January,2020. Kaniadtong January 2019, 36 lang kabook ang naglukat ug bag-ong business permit, pagka 2020, nikabat sa 369 nga establishments ang nahatagan.

Sa renewal, 933 sa 2019 ug 1,475 pagka 2020 ug 1st time nga wala gayud kita naghatag ug extension.

Kini usa ka pagmatuod nga ang Tomasino magasunod gayud kung unsa ang pamalaud. Sa pagkakaron, padayon ang pag-inspeksyon aron makita nga walay naga operate ug illegal nga negosyo diri sa atoang lungsod.

Municipal Health Office

Sa hisgotanang serbisyong medical, dako sad ang atoang gihimong kausaban ilalom sa revitalized nga lederato ni Dr June P. Lim.

Aron komportable atoang mga tomasino nga nanginahanglan ug serbisyong medical, Napahan-ay nato ang atong Pharmacy, Outpatient waiting area ug  ato na usab na expand ang atong Laboratory area.

Kaniadto, grabeng batikos sa reklamo nga ang ambulasya sa lungsod sa Santo Tomas, makapanaway ka sa serbisyo kay adunay bayad. Sa panahon sa emerhensiya, ikaw pay mopa krudo, ikaw pay mobayad sa ambulance driver. Asa naman intawon ang hustisya niana matod pa sa kadaghanan.

SA atoang administrasyon, usa kana sa reporma nga atong gitagaan ug saktong atensyon. Wala nay abusado nga ambulance driver, wala nay tukluray sa trabaho kung kinsay mo duty ilabi na ug kabos ug walay ikabayad ang pasyente.

Kung kaniadto ang dispatching sa ambulance under sa atoang radio operators maong dili mamonitor ang kalidad sa serbisyo, nabalhin na karon sa atoang Municipal Health Office.

Sulod sa usa ka tuig, aduna na kitay tulo nga bag-ong ambulansya.

Ang atoang mga ambulance drivers, disiplinado na.

Ang atoang health workers epektibo na sa ilahang trabaho.

Salamat sa tanan natong health workers. Sa tanang Ambulance Drivers, nawala na ang mga reklamo sa inyoha.

Congratulations ug daghan kaayong salamat.

Atong himuong fully functional ang atong Social Hygiene Clinic aron maalagaan nato ang mga Tomasinos nga adunay problema sa Reproductive Health.

Kinahanglan gayud nga mag-amping kita sa atong kaugalingon nga mga panglawas. Nasalo intawon nato ang Taas nga kaso sa HIV-AIDs kay daghang napasagdang commercial sex workers sa Santo Tomas sa dugay nga panahon. ika 3 ang Santo Tomas nga adunay pinakataas nga kaso niini sa tibuok probinsiya sa Davao del Norte.

Nakapangalap usab kita ug dugang  pondo, ayuda gikan sa Department of Health pinaagi sa Health Facility Enhancement Program para sa Construction sa Safe Birthing Home Facility o paanakan alang sa barangay Kimamon ug Construction of Barangay Health Station alang sa barangay Magwawa.

Nagdugang usab kita ug Medical Doctors aron sa matag adlaw 24/7 adunay doctor nga magduty sa atong Emergency and Safe Birthing Facility. Upat na ka Medical Doctors nga anaa karon naga puli-puli ug duty sa atong Rural Health Unit.

Nagahulat nalang pud kita nga masugdan na ang Construction sa atong Hospital nga ipahimutang sa barangay Casig-ang.

Ang atong counterpart sa pagpalit ug yuta aron matukuran sa maong hospital nahimo na nato, naa nalang sa mga compliance sa papeles aron masugdan na ang Construction niini diin ang pondo magagikan sa atong mahal nga Congressman Alan R. Dujali ug Gobernador  Edwin I. Jubahib lakip na ang hospital facilities and manpower.

DNT

Aron mas daghan pa ang atong maserbisyohan, gimugna nato ang Dangpanan ni Tomas. Mao ni ang opisina kung diin tanang serbisyo publiko nga gihinam- hinam sa atoang mga kapwa Tomasino matagamtaman.

Sukad kini namugna, ubay ubay nga serbisyo ang nadala diha sa atong katawhan.

Kapinan sa 15,000 individuals ang atong nahatagan sa hinabang gikan sa medical, financial ug burial assistance. Ubay-ubay ang pamilya nga anaa sa tumang kalisud ang natabangan.

Dugang sa mga serbisyo nga atong ginapatigayon sa Dangpanan ni Tomas, mao ang libre nga Legal consultation ug pag notaryo kauban ang atong Board Member Atty. Janres Relampagos ug Atty. Elisa Evangelista-Lapina uban sa suporta sa Public Attorney’s Office.

Tungod sa hulga nga mupaspas ang pag katag sa Corona Virus, adunay Virtual Consultation nga gipahigayon ang mga doctors sa Davao Regional Medical Center alang sa mga magpa check up nga dili makaadto sa hospital.

Naserbisyohan nato ang mga napaakan ug mga hayop ug nahatagan sa libre nga human anti rabies vaccine pina-agi sa medical assistance sa opisina ni Congressman Dujali.

Gani, aduna kitay pending request sa DOH aron ang atong Municipality mamahimong Animal Bite Center kini aron mas mapadali ang paghatag ug  hinanali nga action ug dili kinahanglan moadto pa sa Tagum o sa probinsiya alang niini.

MSWD

Aron mas mapakusgan pa ang paghatod ug serbisyo publiko, gisiguro nato nga epektibo ang atoang Municipal Social Welfare and Development (MSWD) Office.

Mas gitagaan ug pagtagad ang mga programa sa Senior Citizen, PWDs ug mga kabataan nga anaa sa lisud nga kahimtang.

Ang atong lungsod nahimong isa ka child friendly nga munisipyo tungod kay sa kanunay atong gihatagan ug gimbug-aton ang mga programa nga adunay kalambigitan sa paglambo sa atong mga kabatan-unan sa lungsod lakip dinhi ang pagpakusog sa Early Childhood Care Program ug ang paghatag sa ginatawag nga 4 Rights of Children.

Aron mahatagan pa sa saktong pagtagad ang atong Senior Tomasinos, nagpatukod na kita ug Senior Citizens Day Center diha sa compound sa atong Municipal Gym.

Isip epektibong kamot sa paghatod sa mga hinabang ngadto sa mga TOMASINO panahon sa pandemic, nakalima ka higayon kita diin gipaabot nato ang food assistance sa halos 159,125 families.

Dugang pa niini ang mga hinabang nga atong nahatag nga mikabat sa 9,029 alang sa mga PWD, Senior Citizens, kaigsoonang mga Muslim, displaced workers, mga vendors, pedicabers, mga PUI/PUMs ug mga religious sectors, lakip ang atong mga frontliners.

STCAST

 Aksyon alang sa Edukasyon:

Ang atong Santo Tomas College of Agriculture, Sciences and Technology con STCAST nagapadayon. 

Gusto nako ni masabtan sa katawhan Kay sa tinood lang naglisod ko ug tungkad kay wala ko kasabot ngano gidali dali paghimo nang STCAST.

Pagtake-over sa akoang administrayon niadtong 2019, ang STCAST walay saktong papeles, walay saktong administrasyon, walay saktong libro, waly saktong classroom, walay saktong gamit, walay saktong cr, problemado sa tubig ug suga ug walay saktong Sistema.

Mga meetings sa STCAST board members walay quorum kung imung ibase sa ilahang record sa minutes, apan naay mga desisyon nga naaprobahan;

 Ang ordinansa nga gipaaprubahan para sa STCAST katulo na naamend. Atong mga faculty and staff diha luoy kaau kay Contract of Service tanan kay ang gipaaprobahan nga ordinance para sa ilahang plantilla positions,  for compliance lamang sa requirement sa CHED, u gang kapait, wala nahilakipan kung available ba ang funds.

Adunay mga bata nga nakolektahan ug pang uniform sa first year, nga hantod hapit na magsecond year, wala lang gihapon naresolba.

Adunay refundable ngadto sa mga bata nakolekta niadto pang 2018 nga bag-o ra natong nabalik sa ilaha kay naglisod ta ug trace kinsa ug asa ang nakolekta nga kwarta kay wala diay naremit sa panudlanan sa gobyerno. Ang bundle sa resibo gitaguan ug ang kwarta nga nakolekta gigamit sa personal nga galastuhon sa collectors.

Tungod sa kadaghan sa mga kinahanglan maplastar atong gipaningkamotan nga maresolba kini tungod ug alang sa atong mga kabataan nga nagtungha diha. Dili ta gusto nga magpabilin silang biktima sa dili maayong sistema.

Anaa na kita sa proseso nga mahan-ay ang kasamtangan nga mga opisyales ug faculty sa STCAST nga adunay katakos mopadagan sa maong institusyon. Starting January 2021, atoang panimguhaon nga maimplementar ang permanent employment sa ilaha aron matagaan sila ug saktong benepisyo ug sweldo. Ang atoang request naana sa kamot sa atong konseho.

Akong hangyoon si Dr. Sixto O. Daleon nga magtinabangay kita aron magmalahutayon ang atong Local College tungod ug alang sa mga kabataan nga nangandoy makahuman ug collegio. Let us produce competent graduates.

Ang STCAST  kasamtangang beneficiary sa Universal Access to Quality Tertiary Education Act sugod August 2019.

Aduna kitay 1,238 grantees sa Free Higher Education ug 42 grantees sa Tertiary Education Monetary Subsidy. Kining 42 nagadawat ug more or less Php 30,000 pesos per semester alang sa mga galastuhanan kalakip ang libro, transportation ug uban pa.

Karong 2nd semester sa Academic Year 2019-2020, adunay 1,147 grantees sa Free Tuition ug nagpadayon ang 42 grantees sa atong Tertiary Education Monetary Subsidy.

Karong tuiga, ang STCAST aduna nay 2,173 enrollees diin 1,054 niini ang 1st year sa upat ka mga existing courses sa atong local college.

Akong gihangyo ang mga kabataan sa pagpaningkamot bisan pa niining gitawag nga New Normal sa natad sa Edukasyon. Iplastar namo ang para sa inyong panginahanglanon apan kamo gyud ang maningkamot aron makab-ot ninyo ang inyong gipangandoy nga maayong kaugmaon.

Sa Education Sector, ma Elementary o High School man atong gitagaan ug suporta pinaagi sa Special Education Fund, ang mga panginahanlan sa matag eskwelahan, sama sa printers, internet connections ug computer sets, airconditioned units, mga thermal scanners ug handwashing facilities alang sa gitawag nga new learning modalities. Sa kinatibuk-an, 15.9 million ang atong budget karong tuig 2020.

 MDRRM

AKSYON SA KALAMIDAD UG EMERHENSIYA

Ang pagpangandam sa mga Kalamidad ug Emerhensiya, ato usab gi prayoridad. Naghimo kita ug mga lakang para mapalambo pa ang Response Method sa atong Municipal Disaster Risk Reduction and Management Council.

Atong gibalhin ang Radio Operation sa MDRRMO ug naghimo kita ug 120 feet Radio Tower para mapakusgan ang atong Penny Lane Base ug makahatag kita sa klaro nga communication linkages ug early warning system ngadto sa mga barangay, other municipalities ug sa atong probinsya.

Gilusad nato ang LISTO SI TOMAS HOTLINE aron mas mapadali ang responde kung adunay emergency cases ug hulga sa kalamidad.

Atong gipakusgan ang kapasidad sa atong MDRRMO pinaagi sa dugang mga Rescue Equipment ug training sa mga personahe uban sa mga partners niini sa pag-rescue ug pag-responde panahon sa kalamidad.

Dako ang tabang sa atong Bureau of Fire Protection headed by F/SINSP

JANETH MAPESOS LEQUIGAN, ang atong kapulisan sa pag-panguna ni PMAJ FREDERICK E. DELES.

Pabor usab kanato nga ang duha ka batallion sa sundalo ania nahimutang sa atong lungsod. Panahon sa mga kalamidad, ang 89th Infantry Makatao Battalion thru the leadership of LTC SILAS D. TRASMONTERO kauban ang 534th Engineering Battalion under LTC ROLLY B. FIGUEROA maoy atong partners sa mga rescue and response operation.

Sa atong mga volunteers sa tanan nga barangays, Salamat kaayo sa inyong makanunayon nga pagtabang sa atong katawhan panahon sa mga kalamidad ug emergeny.

Niadtong wala pa si COVID, gihatagan nato ug trainings and Drills ang mga skwelahan pinaagi sa mga school DRRM coordinators ug principals nga maoy nanguna diha sa maong programa.

And I am proud to CONGRATULATE the BALAGUNAN NATIONAL HIGH SCHOOL for winning the PROVINCIAL GAWAD KALASAG – PDRRMC PROGRAM Medium Category. Congratulations to the principal – MR. IGNACIO LASCO and company for winning the said award with 50,000 cash prize nga magamit nila sa school DRRM program.

Sa Bureau of Fire Protection, makita nga mikabat sa 1.6 million or 53% ang na kolekta nga taripa kaniadtong January 2020 kompara sa tuig 2019.

Maningkamot kita sa Bureau of Fire nga maka angkon ug bag-ong legitimate Fire Truck.

Sa pagkakaron, labad pa kaau sa ulo ang reconditioned firetrucks nga gipalit sa mga niaging tuig kay hadtod karon, wala kani narehistro sa ngalan sa LGU mao atong gigugod ang si kinsa man nga responsible nianing nga 8M transaction.Naglisud kita sa pagpa repair sa daot daot ng firetruck kay dili man legally owned sa LGU kung papeles ang basehan.

Nagmalahutayon usab ang mga inisyatibo nga pag buhat ug usa ka Decontamination Team kontra COVID nga gilangkuban sa Opisina sa atong BFP,  Municipal Agriculture’s Office, ug ang atong Municipal Economic Enterprise and Development Office.

Gusto sad natong ipahibalo nga sa atong pakig alayon sa Bureau of Fire, nahimugso ang First BFP Mascot sa entire region. Kita sa local nga panggamhanan ang ginikanan ni BERONG TOMAS.

 MENRO

Sa  Environment Sector

Tuig 2010, aduna nay audit observation ang COA sa wala pag gasto sa budget para sa Forest Land Use Plan or FLUP diri sa atong lungsod. Niadtong hinapos sa 2019, gitagaan nato ug action ang maong observation ug nakaformulate, nakasubmit na ta for DENR approval sa atoang Forest Land Use Plan. Mao, akong hagiton ang atong MENRO, ACT on the PLAN, ipakita unsa ka epektibo kung ang plano ipatuman ngadto sa realidad.

Nagbutang kita ug budget alang sa pagpurchase ug Garbage Compactor gikan sa atong 20% Development Fund aron mapakusgan ang atong Solid Waste Management ug sa dili pa matapos ang tuig ato na kining magamit.

Dugang niini, karong tuiga magpalit kita ug 10 hectares nga yuta diha sa San Jose alang sa pinaka-moderno nga Waste To Energy Project. Kay Gobernor ang 5 hectares niini ug kita usab sa Santo Tomas ang sa 5 hectares. Unsa man ang Waste To Energy Technology?

MCR

Nagpahigayon kita pinaagi sa Municipal Registrar’s Office ug pina-ka una nga “Aksyon Lumadnon” o (IP Registration), diin gipakusgan ang atong hinabang ngadto sa tribung lumad pinaagi sa paghatod sa serbisyo didto sa ilahang dapit aron matagaan sila ug pag-ila sa ilang katungod nga marehistro ug mahatagaan ug nasyonalidad.

TOURISM

AKSYON SA TURISMO

Kini nga administration naglihok aron matutukan ang pag develop sa mga lugar nga pwede mahimong tourism sites sa atoang lungsod, in tandem sa programa sa atoang gobernador.

Pipila sa mga lugar nga atong gina-lantaw para sa programa sa turismo mao ang Sitio Talos sa Barangay San Jose, Sitio Mangga sa Barangay Magwawa ug ang Sitio Campo sa Barangay Balagunan. Kini kabahin sa mga paningkamot nga atong mahatagan ug opurtunidad apil na ang pagpa-lambo sa panginabuhian sa atong mga igsoong lumad ug uban pang residente nga nag-puyo sa maong mga barangay.

At present, ang ordinaryong Sitio TAlos nga agianan lamang kaniaadto padulong sa Megatong peak nahimo na karong tourist destination pinaagi sa LANTAWAN NI BAKOKO.

Namahimo kining posible pinaagi sa pagtinabangay sa atong komunidad sa Tribong Ata Manobo, 89th Makatao Infantry Battalion ug ang 534th Engineering Battalion, sinuportahan sa mga pribadong stakeholders ug mga katawhan nga naghatag ug mga bulak para makadugang sa pagpa-nindot sa lugar.

Mapasalamaton kita sa atong Gobernador Kuya Edwin Jubahib nga dako kaayo ug pag-higugma sa atong mga lumad, busa pinaagi sa programa sa Turismo, adunay P3.5 million project nga mao ang Tourist Reception and Pasalubong Center nga matukod sa Sitio Talos, Barangay San Jose.

Sa dili madugay usab, sugdan na ang mga bag-ong I.P Village Houses sa Sitio Talos amounting to 20 Million, para makapuyo usab atong mga lumad sa desente ug taw-hay nga panimalay uban ang ilang mga pamilya.

Ug para masiguro ang sustainability sa maong mga programa, atong gitahasan ang Municipal Information Office headed by Mr. Mart Sambalud pinaagi sa Tourism program niini nga magbuhat ug tourism marketing drive nga mao ang #Discover Talos, #Explore Megatong Campaign.

Padayon sad ang atong paningkamot para sa Sitio Manga sa MAgwawa in partnership sa atoang revitalized pulis sa barangay, sa komunidad, atoang magro ug barangay officials. Sa karon, ikalipay nato ug dako nga sa hamobo nga panahon, halapad na ang nacover sa pagtinabangay sa atoang grupo.

Nagsugod na sad ta ug explore sa barangay Balagunan inubanan gihapon sa atoang Revitalized Pulis sa barangay, Barangay Kapitan ug nakita sad ang potential niini sa sa Turismo. Aduna na kitay personahe nga moatiman sa barangay Balagunan aron kining damgo mahimong realidad.

Makig-alayon ta sa mga pribadong tag iya ug mga tourism sites diri sa atong lungsod. Sa pagkakaron, naga encourage ta nga ang ilang gipangdevelop nga area makuhaan ug saktong permit sa atong mga government agencies aron maapil kini sa magpaila sa atoang lungsod.

MEEDMO

ANG MUNICIPAL ECONOMIC ENTERPRISE DEVELOPMENT MANAGEMENT OFFICE O (MEEDMO) MAOY USA SA PINAKA-DAKO NGA LGU OPERATION TUNGOD KAY DAGHAN KINI UG MGA SEKTOR.

Under sa atong MEEDMO ang Public Cemetery, Waterworks, Slaughter house, Terminal ug Public Market.

Atong lakbitan ang atong Public Market, sa tinuod lang daghan kaayo ang mga angayan natong iplastar ug dapat natong ayuson sa palengke. Pero sa panahon sa COVID, nakita nato ang pagtinabangay sa mga tawo diha sa palengke ug mga konsumante. Salamat sa mga Rolling Stores during COVID time nga inyong gidala ang mga basic needs ngadto sa mga barangay.

Kaniadto dili kaayo han-ay ang arrangement sa mga vendors sa atong palengke, adunay mga issues sa sanitation ug bisan pa sa mga walkway alang sa mga katawhan nga naga-adto sa mga stalls.

Sa atong pakig-alayon sa PUMARVEA ug SANTO TOMAS CHAMBER OF COMMERCE atong nahan-ay ang plastada sa mga stalls ug nalimpyo ang vicinity sa public market.

Kaniadto ang atong mga Comfort Room sa palengke dili jud COMFORT para kanatong tanan, labi na gayud sa mga tawo nga naa sa palengke kada-adlaw. Apan during my first 6 months as your Mayor atong giablihan ang LIMPYO ug PRESENTABLE nga COMFORT ROOM sa public market.

Ang atong Municipal Gym, matawag nato nga evolution trending kaayo tungod sa mga development nga gihapak sa maong GYM. Pila na ka millions of pesos ang nagasto para mapa-nindot ang atong Municipal GYM. Maong sa atong panahon, gitutukan pag-ayo ang mga improvement para masiguro ang quality sa atong projects. Limpyo na atong Comfort Rooms sa sulod sa GYM ug plastado na usab ang parking space ug landscape.

Ang atong slaughter house usab adunay bag-ong Visitors Lounge ug Generator set kabahin sa atong consistent nga mahimong triple A slaughter house sa Davao Region. Salamat sa JK Mercado and Sons sa pag-hatag sa Digital Weighing scale para magamit diha sa atong municipal slaughter house.

Sa atong Waterworks, atong gipakusgan ang check and balance system sa atong patubig. Nag install kita ug mga PRODUCTION METERS sa mga pump stations para naay klaro nga basihanan sa computation of water production. 24/7 usab ang duty sa atong mga plumbers ug pump operator’s para maka-aksyon dayon sa mga problema bahin sa atong water system.

INFRASTRUCTURE

 Sa hisgotanang Inprastructura, nagapadayon ang pag-account ug pagtiwas sa mga proyekto nga nakita natong napasagdan sa milabay nga tuig.

Aduna man gud mga proyekto nga hangtud karon wala pa nahuman sa mga previous contractors ug ang uban wala nabutang sa insakto nga mga locations.  Tungod niani, mas gipakusgan nato ang atoang inspectorate team aron matutukan ang tanang proyekto.

Sa akong paglingkod daghan ang atong napadala dayon nga mga project proposals sa National Agencies lakip na dinhi ang Opisina sa atong Hon. Congressman Alan R. Dujali ug Opisina ni DBM Secretary Wendel Avisado.

Swerte ta kay nahatagan dayon kita ug proyekto sama sa 33.48 million nga road concreting sa Bobongon- Bugtong Lubi Road.

Nakasungkit usab kita ug 15 million nga Improvement sa water system sa Bobongon diin maapil dinhi ang atong Correctional Institute for Women (CIW) nga sa pagka karon wala jud diay na silay insakto nga water supply. Kalooy pud sa mga naa dinha nga mga kababayen-an.

 Nakadawat usab kita ug mga Assistance to Municipality Projects sama sa Concreting of Road with Drainage Canal at Feeder Road 4 nga mikabat sa 3.4 million, Rehabilitation of  Local Access Road with Drainage Improvement sa Violeta Street amounting to 4.8 million ug Concreting of Road from Junction Provl Road Northgate to MEPI  nga nagkantidad 4.334 million. Maliapay ta kay kinin a mga proyekto hapit na makompleto.

Adunay proyekto nga gikan sa DILG Salintubig Program nga Water Source Development amounting to 18.4 million lakip dinhi ang LGU counterpart nga 2.4 million substantially completed nga moserbisyo gikan sa San Jose, Lunga-og, Pantaron ug Kimamon, apan dili pa nato mapaconnect sa mga service areas tungod sa expansion sa tulay dinha sa New Katipunan.

Base sa DPWH technical persons, maplastar ang linya nga naapektuhan sa maong expansion of Bridge sa dili pa mahuman kining bulan sa Agosto.

Dugang niini, buot nakong ipahibalo kaninyo nga ang tanan nga infrastructure projects nga nahuman sa akong termino, ipainuagurate ug ipabless jud nato isip panalangin ug pasalamat, ug pagpromote sa culture of  transaparency arong Makita sa tanan nga adunay proyekto nga nahuman ang kada budget nga nigawas sa atong pundo.

Gani kagahapon atong gipahitabo ang blessing and turn-over  Ceremony sa 3 ka drainage system diha sa Feeder Road 1 ug Feeder Road 2, ug ang 10 Classroom sa Sto. Tomas National High School.

INFRA

Sa Public Transport Modernization Program, atong priority ang Improvement of Alternate Roads sama sa Feeder Road 0 nga molahos sa Feeder road 4 ug ang pag establish sa atong Public Terminal puhon.

Aduna usab kitay request sa Bureau of Correction pinaagi sa Office the President Rodrigo Roa Duterte nga 10 hectares nga proposed Govt Center, Commercial Complex, Municipal Museum & Library ug Green and Children’s Park nga adunay ECO Park along the river banks.

Lakip na dinhi ang plano sa pagbutang ug pinasahi nga Bridge nga mo connect sa Marsman Estate Plantation nga plano usab magahimo ug Urban Hub sa ilang area to compliment with the LGU Comprehensive Land Use Plan.

MPDO

Buot usab nako mahisgotan dinhi ang bahin sa kalamboan, diin manukad kita sa Comprehensive Land Use Plan. Ang atong CLUP 2016-2028 na review na sa atong Provincial Land Use Committee ug nahatagan na kita sa provisional approval niini. On going ang pagpahan-ay base sa findings sa maong PLUC review.

Sa pagsugod usab sa akong administration, nagplastar kita ug Executive – Legislative Agenda (ELA) 2020-2022, diin, kini maoy gihimong giya sa pagpatuman sa mga plano nga pangkalamboan nga nagapunting sa pagkab-ot sa Vision ug Mission sa atong local nga pangamhanan.

Ato na usab na submit sa LTFRB ang atong Local Public Transport Route Plan (LPTRP)  2019-2023. Kini usa ka plano nga maoy basihan unya sa Transport Modernization Program ni PRRD lakip na dinhi ang pagpahan-ay sa Transport sector dinhi sa atong lungsod.

Busa, hangyoon ko ang konseho, han-ayon ang wala naatimang transport sector sa dugay nga panahon. Sa atong Motorcycle Franchising Board, sa akong administrasyon, hangyoon ko kamo nga maghimo ug saktong programa para sa atong pedecabers, saktong profiling ug saktong legislation para kanila. Review legislations on use of National Highways ug pagdesisyon mo kung paagion ba sila o dili kay ang executive department igo ra moimplement sa inyong gipanday nga balaod.

Sa pagkakaron, akong isang-at sa Committee on Transportation and Committee on Trade and Industry and paghan-ay sa tricycles ug sa delivery trucks diha sa atoang highways. Iapil ninyo ug konsiderar ang mga single nga motor nga dugay na nga nanginabuhi diha sa kalsada. Dili ta magpakabuta bungol nga adunay usa ka sector nga naa ra diha sa kalsada.

Aduna napud kitay approved Local Shelter Plan (LSP) 2016-2024, nga maoy atong gisundan sa pagpatuman sa atong mga Housing Projects. Gawas sa IP Village sa Sitio Talos nga akong nahisgotan ganiha, aduna usab kitay relocation site nga anaa nahimutang sa Feeder Road 9, nga diin atong ma apod apod ang mga lote alang sa mga mo qualify nga mga informal settlers nga anaa nahimotang sa no build zone. (adlib.. mga naa sa right of way, kilid sa sapa ug sa govt. properties).

Atong butangan ug opisina uban ang mga personahe nga maoy mututok sa tanang housing concerns sa atong munisipyo. Daghan kaayo ang mga nagtubo nga mga illegal nga raw lots nga ginapamaligya karon nga walay Permit to Sell. Akong ginaawhag ang katawhan nga dili usa mamalit sa maong mga area kung walay maipakita nga permit to sell aron dili masayang ang inyong kwarta.

 (adlib). Gitagaan nato hangtud kining bulan sa August ang mga sellers and lot dealers nga walay mga permit to sell ug wala niagi sa opisina sa MPDC basi sa BP 220 ug PD 957. Comply or else, paylan tamo ug kaso sa inyong illegal nga ginabuhat.

Anaa na sa PPDO ang Comprehensive Development plan (2020-2026) for review, Formulation of Phil. Devt. Plan (PDP)/Sustainable Devt. Goal (SDG) Localization Plan 2020-2022, Municipal Development Investment Plan (MDIP)for 2020-2022, ug ang Annual Investment Plan for 2021 nasubmit na sa Sangguniang Panlalawigan.

MAGRO 

Bisan pa sa mga pagsulay sa natad sa Agrikultura, ang atong Aksyon ug programa para sa mga mag-uuma atong gipa-kusgan.

Mukabat sa 38 Million ang atong Rice Program pinaagi sa Rice Competitive Enhancement Fund ug Rice Farmers Financing Assistance. Lakip na niana ang mga Rice Mechanization program nga naghatag ug mga modernong pamaagi gamit ang mga bag-ong makina sa pag-tanom sa humay hangtod nga kini ma-harvest na.

Ug ako mapasalamaton sa DA-PhilRice, labi na gayod sa atong Regional Executive Director sa Department of Agriculture Region 11 nga si Engr. Ricardo M. Oňate.

Garbo usab nato nga taga Santo Tomas ang midaug sa “HARI SA ANI” – highest Yield hybrid US88 in Region 11, in the person of MR. CESAR LOMBOY – ug siya nakadawat isip ganti  ug usa ka FORD RANGER nga sakyanan.

Ang atong programa usab sa Philippine Crop Insurance Corporation o (PCIC) dako kaayo ug tabang sa atong mga affected farmers.

Muabot sa 36 Million ang kantidad sa Insured Crops sama sa Cavendish Banana, Corn, Rice ug uban pang high value crops sa atong mga mag-uuma ang nasulod sa maong PCIC program. Aduna kitay 2,300 farmers nga nakadawat na sa maong ayuda sa PCIC nga mukabat sa kantidad nga 12 million pesos nga gihatag ug giapud-apud sa mga apektadong mga mag-uuma dinhi sa atong lungsod.

Sa dugay nga panahon ang Santo Tomas Organic Production Center nga nahimutang sa Barangay Bobongon walay mga legal documents as to the usage of the property.

Hinungdan nga nadugay ug dili na unta madayon ang implementation sa 9.5 million nga kantidad nga proyekto pinaagi sa PRDP. Nakig-alayon kita sa mga ahensya nga makatabang para mapadayon ang maong proyekto. No less than the DAR Regional Director JOSEPH H. ORILLA ang miadto kanato para mapatigayon ang mga supporting documents.

Ug malipayon ako nga mosulti kaninyo nga nahuman na ang Ground Breaking sa maong 9.5 million PRDP project nga paga-langkuban sa mga mosunod nga facilities; Rice Solar Dryer, Solar Cacao Dryer, Fermentation facility, Composting storage, Vermiculture Bed, warehouse ug opisina sa atong mga personahe sa Municipal Agriculture.

Atong gisuportahan ang KAAGAPAY PROGRAM or KAusa sa AGrikultura ug PAnginabuhian sa barangaY sa atong gobernador Kuya Edwin Jubahib. Ang Gulayan ug Manokan ni Kuya Edwin nga naa nahimutang sa barangay New Katipunan. Atong Pasalamatan si Engr. Desiderio Daga-ang, usa ka Tomasino nga nag-pagamit sa iyang yuta nga libre para atong ma develop ug mahimong modelo sa Diversified Farming nga adunay gulayan, manokan, fish pond, uban ang nindot nga man-made forest ug edible landscape nga gipalstar pag-ayo sa atong MAGRO thru the leadership of Engr. Elmer B. Degorio.

Ang atong mga Banana growers nga naapektuhan sa Fusarium wilt o (Panama), gihatagan usab nato ug pagtagad pinaagi sa mga forums and seminars lakip na ang technical and other assistance para sa atong mga banana farmers. Nasayod ako nga Cavendish Banana man ang nag-unang produkto dinhi sa atong lungsod, mao nga kung mokunhod ang presyo sa banana industry, apektado man gayud kita.

Sa maong mga sitwasyon, ang atong Sangguninag bayan uban sa mga Banana growers naghimo ug mga lakang para makatabang sa mga bananeros pinaagi sa ordinansa ug mga plano para mahatagan ug insakto nga tubag ug aksyon ang atong banana industry.

Muhangyo ako sa tanan nga naa sa industriya sa panaging, buyers, consolidators and growers. Bisan pa sa business competition scenario ug hagit sa PANAMA disease, atong ipabilin ang panaghi-usa ug pagtinabangay nga ang tanan makalingkawas sa kalisod ug makapadayon sa Negosyo sa saging nga adunay kinaiya sa pag-sakripisyo ug pag-lahutay. Magpasalamat usab ako sa mga dagkong kompanya sa Banana industry nga panahon sa PANDEMYA, wala ninyo gipasagdan ang inyong mga empleyado ug nakahimo pa jud kamo sa paghatag sa inyong mga tabang be it Financial or in-kind ngadto sa ubang Tomasino. Dili man nako kamo ma-mention isa-isa, DAGHANG SALAMAT kaninyong tanan.

INTER AGENCY

Nalipay ko ug dako sa atong Audit Team Leader sa COA in the person of Mam Josephine A. Yap sa pagtabang ug pakig-alayon kanato sa mga paningkamot alang sa kabag-ohan in terms of compliance to auditing rules and regulations especially in promoting a transparent Local Government of Santo Tomas.

Ang Dept of Trade and Industry nag establish ug Negosyo Center dinhi sa atong Lungsod aron mo assist sa atong mga negosyante sa mga DTI Registrations kauban ang atong Local Economic and Investment Promotion Officer. Nagahatag usab sila ug livelihood trainings sama sa Mushroom Burger Patty  ug Bread Making sa Magwawa in coordination with our 89th Infantry Batallon.

Nagpahigayon usab kita ug mga community based training nga kauban ang TESDA pinaagi sa opisina sa Community Training and Employment Coordinator (CTEC). Aduna kitay 50 ka mga individual nga naka benipisyo sa atong Small Ruminants and Organic Hogs Training nga nahimutang sa Sitio Manga sa Barangay Magwawa lakip ang mga himan isip Tool kit sa maong training.

Aduna usab kitay natabangan nga mga People’s Organization sama sa  Cogonal Farmers, Maguintalonan Homeworkers Hollowblock Manufacturers ug Talos Women Association in strong partnership with the Armed Forces of the Philippines thru the MAkatao BAtallion.

Aron mapasayon ang paghatag ug serbisyo ngadto sa atong mga katawhan hilabi na sa panahon karon nga anaa ang hagit sa Covid-19 pandemya, ang mga national nga ahensya sama sa SSS ug Pag-ibig nagapahigayon ug schedule kung asa sila na mismo ang magdala sa ilang serbisyo dinhi sa atong lungsod ug dili na kinahanglan nga mobyahi pa kita sa Tagum o sa Davao aron makuha ang susama nga serbisyo.

Ang Department of Labor and Employment pinaagi sa Public Employment Service Office (PESO) nanguna sa pagimplementar sa programa sa DOLE “BarangayKoBahayKo” Sanitation and Disinfection or BKBK program. Lakip na ang TUPAD Program para sa mga apektadong Tomasino nga atong napatuman.

Usa usab ka maayong balita alang sa tanan, ang Land Bank Tagum magdugang ug ATM Machine nga anaa ipahimutang sa atong Public Market. Sa dili usab madugay, ang Land Bank maga abre sa Santo Tomas Branch kini Kung dili mogara si COVID, mas mapadali unta kini nga mga paningkamot.

ON COVID

Kaniadtong bulan sa Marso na alarma ang tibook lungsod sa Santo Tomas sa makamatay nga Covid 19 pandemic. Dako kaayo ang kabag-uhan nga kinahanglan nga mapa higayon sa tibook lungsod aron sa pagpasiguro nga mamahimong luwas ang matag pamilya.

Inubanan sa atong Municipal –IATF nga maoy nangulo sa pagpugong ug pag kontrola sa paspas nga pagkuyanap sa COVID-19 pandemya. Atong nabuhat pina agi sa kolaboratibo nga pagtinabangay ang mga giya ug mga istrateheya aron mahimong mas epektibo ang pagpatuman sa mga balaudnon sa tibook lungsod sa Santo Tomas.

Sulod sa pipila ka mga bulan gikan sa pagsugod sa pandemya, wala gayud kitay mga nag positibo nga nakuha pinaagi sa Local Transmission. Kini tungod usab sa atong mga masinabtanon ug mga matinumanon nga mga katawhan sa lungsod, tungod usab sa atong mga kugihan nga mga Barangay Officials ug mga frontliners nga walay hunong nga naga bantay adlaw ug gabie, ulan ug init, dinha sa atong mga checkpoints sa matag barangay.

Sa pagkakaron, padayon gihapon kita sa pagdawat sa atong mga kaigsoonan nga mga OFW sa ilahang pag uli sa ilang tagsa-tagsa ka mga pamilya. Adunay mga kaluya nga nasinati panahon sa atong pag abi abi sa mga OFW  dinha sa mga Isolation facilities apan imbes nga maluya kita mas gihimo natong lig-on ang atong mga protocol alang sa mas epektibo nga resulta niini.

Dako kaayo ang akong pagpasalamat sa tanan nga nagpakita sa ilahang mga tinud-anay nga pagpanga sa matag-usa ug pagmahal sa lungsod sa kinatibuk-an. Sa atong Phil Army, PNP, BFP ug ang Municipal IATF, sa atong DECON Team, Barangay Captains nga tinud-anay gayud nga nakigbisog inubanan sa mga BHERTS, purok leaders, BHWs, ug sa mga DOH nurses. Sa atong mga empleyado sa MHO nga maoy naga puli puli sa operasyon ug pag maintainar sa Incident Command System (ICS) nga 24/7 anaa gayud sila. Sa atong mga Ambulance drivers, sa mga repackers sa relief goods. Sa atoang mag Miyembro sa Konseho nga gipangulohan sa atong Bise Mayor, daghang Salamat sa pagdumal sa inyong tagsa tagsa nga clustered barangays. 

Sa atong mga Isolation Facilities:

 Sa pagka karon mikabot na sa 1,258 ang atong natala mga Persons under Investigation (PUM) ug aduna na kitay nigraduate nga 1,177 ug padayon pa kin inga naga daghan basis a lihok sa mga tao ug pag abot sa mga OFWs ug mga LSIs dinhi sa atong Lungsod. Atua na usab nga ginapahimutang ang atong mga 10 ka mga individual nga nahimong positibo sa COVID-19, mao kini ang mga Tomasino nga mga Locally Stranded Individuals (LSIs) ug OFWs.

Sa pag karon,atong ginahulat ang ordinansa sa COVID Protocols nga atong girequest sa Sangguniang Bayan. Atong ibilin sa ilang kaalam ug unsay maayo sa atong kahimtang under sa New Normal. Apan, gusto nako matagaan ug pagtagad sa inyong ordinansya sa COVID Protocol ang mga disgrasya tungod sa inom, krimen tungod sa inom ug mga kalapasan sa protocol tungod sa inom. Bag-ohay lamang gibatikos atong brgy kinamayan tungod sa usa ka hubog nga nisulod sa isa ka isolation facility alas singko sa buntag. 

PHIL. ARMY

Sa pag atubang usab nato niining laban batok Covid 19, adunay mga tao nga nagpakita sa ilang lapad nga kasing kasing sa paghatag sa ilang mga hinabang para sa atong mga frontliners. Kamo ang akong inspirasyon ug ang akong kusog nga mamahimong magmalampuson ug mamahimong magmadaugon kita nianing hulga sa panahon.

Ang Atong Local Enterprise and Investment Promotion Office, Kauban ang atong mga kasundaluhan adunay mga proyekto didto sa mga lagyong dapit aron sa pagtubag sa kalisod nga nasinati sa atong mga kaigsuonan. Hilabi na gyud ang pag sapgang sa mga rebelding kalihukan ug masiguro nga malinawon ang pag-puyo sa atong mga kaigsoonang lumad.

Nalipay ako sa kabag-uhan nga gidala kanato sa atong mga kasundaluhan. Kung sa una, ang atong mga Phil. Army nahimong kahadlukan sa mga katawhan ug nailhan lamang nga tigbatok sa mga NPA nga boot mudaot sa atong gobyerno, karon ang atong mga kasundaluhan kauban na nato nga nakigbisog aron mapalambo ang panginabuhian sa matag kumunidad hilabi na sa atong mga kaigsoonang lumad.

Atong ipadayon ang pag panday ug mga panginabuhian didto sa mga hilit nga mga lugar sa atong lungsod kauban ang atong Phil. Army. Atong bag-ohon ang hulagway sa atong mga Lumadnong kumunidad basi sa kostombre sa maong tribu nga sa pipila na ka administrasyon ang nanglabay wala gayud mahatagan ug pagtagad. Matud pa, natapos na ang bakbakan, apan sa karon atoa napud nga pagasugdan ang usa ka Rebolusyon, ang REBOLUSYON sa panghuna-huna ug paghatag ug mga pamaagi aron sa katumanan sa atong damgo nga mahaw-as sa kalisud ug nga dili na mahimong instrumento sa insurgensiya.

PNP

Usa usab ka hagit alang kanako ang pag sapgang sa grabi ka talamak nga druga ug kriminalidad sa lungsod sa Santo Tomas nga mao usab ang prioridad sa sa atong mahal nga Presidente Rodrigo Roa Duterte .

Usa kini ka butang nga nakahagit kanato nga mas maningkamot pa pag-ayo kauban sa atong mga PNP. Ato kining gisugdan mismo dinha sa pagpa bag-o sa imahe sa atong mga kapulisan ug atong na tul-id ang mali nga impresyon sa mga katawhan sa atong pulisya.

Sa Bag-o pa lang, naghatag kita ug 1 milyon isip reward sa kaabtik sa atong kapulisan sapag pakgang sa mga drug operators or users diri sa atong lungsod.

Wala ako nag kulang sa pagpahimangno kaninyo nga undangon na lagi ninyo kanang inyong bisyo, nasayod man kamo nga aduna lamay duha ka utlanan pananglit dili ninyo undangon kanang inyong mga bisyo – makulong ka o mamatay.

Gikan Abril hantud hunyo lamang nianing tuiga, adunay 18 ka mga individual ang nasikop nga anaa sa listahan sa gobyerno nga gidudahan nga mga drug suspect ug 11 niini  napasakaan na ug kaso sa kapulisan tungod sa paglapas sa anti drug law.

Sa pagka karon, atong ginamanduan ang atong ka pulisan nga mas doblehon pa ang mga pagpaningkamot aron maka baton kita ug usa ka kumunidad nga libre sa illegal nga druga ug magpuyo nga malipayon ug malinawon ang matag pamilya.

Ug aron mapakusgan nato ang pwersa sa pulisya, moabot na ang duh aka customized patrol car para sa atong lungsod.

Isip inyong Amahan sa Lungsod, ako nanghinaut nga kitang tanan magkahiusa sa pagkab-ot sa kalambuan, kalinaw ug kahapsay para sa tanang Tomasino. Basta NAAY AKSYON! NAAY SOLUSYON! Daghang Salamat.