1. Ang yellow vehicle pass magamit lang sa mga checkpoints panahon sa CURFEW HOURS sulod sa Santo Tomas, nga alas 6:00 sa hapon hangtod alas 6:00 sa buntag, aron lang dili malangan ug magpadayon ang “delivery” sa:

• a) exportable bananas
• b) agricultural products
• c) food chains
• d) agri-vet supplies
• e) ug uban pang “essential commodities”

2. DILI kini TRAVEL PERMIT nga magamit sa mga checkpoints GAWAS SA LUNGSOD SA SANTO TOMAS, DAVAO DEL NORTE.
3. Ang mahatagan lang niini mao ang mga negosyo nga adunay BUSINESS PERMIT CY 2020 nga ang “line of business” nasulod sa gihisgotan sa ibabaw no. 1 ug Dili makahatag ang opisina sa Business Permit and Licensing Section ug yellow vehicle pass kung walay business permit. Gawas sa business permit kinahanglan usab ang rehistro sa sakyanan (OR/CR machine copy lang) or kopya sa “deed of sale” or dokomentong magpamatood nga ikaw ang tag-iya.
4. DILI usab kini magamit nga PASS sa mga checkpoints KUNG WALA nay karga nga mga “perishable goods”, ug uban pa, nga nahilakip sa “essential commodities” nga nahisgutan sa ibabaw, no. 1 sulod sa curfew hours (6:00PM to 6:00 AM).
5. DILI kini puwede i-pa kopya/“reproduce” o ibutang sa laing sakyanan. Permanenting ipilit kini sa salamin atubangan sa sakyanan nga makita dayon sa mga checkpoints. Kung masakpan, ang malapason pagasilotan pinasubay sa balaod.
6. Ang unang “pink vehicle pass” LIBRE, apan kay napamatod-an kini nga gi PEKE/”FALSIFY”, mao nga kining “re-issuance” adunay bayad nga P 70.00 kada yellow vehicle pass ( P 50.00 certification fee – Section 5A.01, Article A, Chapter V ug ang P20.00 RCEPF – Section 4A.01, Article A, Chapter IV sa Revenue Code of Santo Tomas). Ang ma-kolekta gikan niini ibalik(replenish) sa “account” nga gikuhaan pambayad sa hinanaling pagpabuhat sa “security stickers” nga ibutang sa matag yellow vehicle pass.
7. Bisan pa adunay yellow vehicle pass, istriktong ipatuman gihapon ang COVID19 protocols sama sa(but not limited to):

• pagsol-ob ug mask sa tanang panahon
• Driver ug ISA lang ka helper
• handwashing (alcohol/sanitizer)
• “decontamination or disinfection” sa sakyanan usa mosulod sa Santo Tomas
• Obligadong moagi sa COVID19 quarantine checkpoints sa Barangay New Katipunan ug Barangay La libertad (Item 5, Section 3 of Municipal Executive Order No 15,s.2020).

8. Mga dokomentong gikinahanglan sa matag checkpoints pinasubay sa item 18, Section 3 of EO 31,s.2020 signed by Governor EDWIN I. JUBAHIB ug item 4, Section 3 of EO 15,s.2020 signed by Mayor Ernesto T. Evangelista mao ang:

• business permit
• FOOD LANE CONDUCT PASS (kuhaon sa Department of Agriculture) – dalahon perme ang ORIGINAL COPY
• Quarantine Pass (gikan sa matag barangays nga gipoy-an)
• rehistro sa sakyanan(OR/CR)
• valid ID

PAGPA KLARO:

9. Kuhaon ang FOOD LANE CONDUCT PASS sa Department of Agriculture (DA), Regional Office XI, Bangoy Street Davao city ug naa pod sa DA Provincial Office Capitol TAGUM CITY dalahon ang:

• a) business permit
• b) rehistro sa sakyanan (OR/CR)
• c) plate number sa sakyanan
• d) certification gikan sa Opisina sa Municipal Agriculturist (FARMERS ONLY)

10. Ang mga Banana Growers/Producers nga walay business permit, puwedeng magpasagop sa ilang mga BUYERS nga adunay mga business permits aron makakuha ug yellow vehicle pass, PROVIDED adunay pagtugot (CERTIFICATION OR AUTHORITY – ORIGINAL COPY) gikan sa maong BUYER nga ipagamit ang iyang business permit. I-lakip ang mga machine copies sa mga valid ID ug contact number sa nagpirma.
11. Ang “EFFECTIVITY” sa yellow vehicle pass molungtad lang sa panahon sa “PUBLIC HEALTH EMERGENCY” tungod sa COVID19 dinhi sa Santo Tomas lang.